Вечерва започнува Sanremo 2025, можеби за последен пат во организација на RAI. Најпознатиот италијански музички фестивал Sanremo се одржува по 75-ти пат од 11 до 15 февруари 2025 година. Овогодинешниот фестивал носи голема промена која веќе минатата година ја најави Амадеус, домаќинот на фестивалот во изминатите пет години кој го водеше фестивалот со голем успех. На негово место ќе дојде Карло Конти, кој веќе го водеше Sanremo од 2015 до 2017 година.Донесе голема гледаност на италијанскиот јавен радиодифузер RAI, со повеќе од 15 милиони луѓе кои го следеа фестивалот.
„Сакам да придонесам овој фестивал да биде пристоен, организиран со голема почит и искреност, со добри песни и намера да се надминам себеси“, рече Карло Конти, уметнички директор на фестивалот „Sanremo 2025“. Санремовата музика низ годините наназад беше силно застапена на програмата на Радио и телевизија Гевгелија. Минатата година Продукцијата Банго и Радио Гевгелија беа присутни на одбележувањето 30 години кариера на Лаура Паусини една од најсилните производи од Sanremo. Овогодинешниот Sanremo содржи 29 песни, но 39 изведувачи, вклучувајќи два бенда, еден дует и еден квартет. Најмладата учесничка е Сара Тоскано со само осумнаесет години, додека ветеранот на групата Масимо Раниери има 73 години и зад себе има исклучителна кариера. Од натпреварувачите, четворица веќе освоија фестивалска награда, а за седум од нив ова ќе биде прв пат на престижната сцена Аристон. На сцената ќе се појави и Бреговиќ. Рекордот по бројот на настапи го држи Марчело Бело со девет настапи, кој се враќа по 19 години, а по него се Раниери и Ноеми кои имаат по осум настапи.
Некои музичари ќе користат autotune, што Конти го смета за неизбежно во денешната музика која им се допаѓа на младите.
Антонела Клеричи и Гери Скоти ќе му се придружат на Карло Конти за време на церемонијата на отворање вечерва, 11 февруари. По пресудата на Регионалниот управен суд (TAR) на Лигурија, кој ја прогласи наградата на фестивалот на RAI за нелегитимна, општина Sanremo презема мерки.
До лето ќе знаеме кој ќе го организира Sanremo 2026, дали сопствениците на брендот или носителите на ТВ правата, велат од Општината.