Денес започнa со реализацијa проектот „Афирмација на природните и културните вредности во пограничниот регион” со кој всушност започнува уредување на излетиштето Динќут во Гевгелија. Ова за гевгеличани познато излетиште во минатото ќе биде уредено во простор за спорт, забава и рекреација.
Проектот на општина Гевгелија и беше одобрен од страна ИПА Програмата за прекугранична соработка меѓу Република Македонија и Република Бугарија, а општина Гевгелија го реализира во соработка со Агенција за економски развој од Банско.
За реализација на целиот проект од страна на ЕУ се доделени 169.692 евра.
Со проектот на Динќут ќе бидат уредени детски игралишта, амифитеатар, фитнес зона, трим патеки, односно гевгеличани ќе добијат едно прекрасно туристичко излетиште за одмор и рекреација.
Покрај ова, од страна на бугарскиот партнер ќе бидат реализирани повеќе активности за афирмација на природните, културните и туристички вредности на двете соседни земји.